Page 5 - LOTTO

PREMIO RECORD DEN HISTORIA DI LOTTO

DI ARUBA DIABIERNA MINI MEGA PLUS TA

PAGA 3.4 MIYON FLORIN

22/06/2017 Admin Uncategorized Leave a comment

ORANJESTAD, Aruba – 22 di juni 2017: E sorteo di Mini Mega y Mega Plus
pa diabierna awor, hunto, pagando 7 florin pa ticket, ta alcansa e premio record
di Afl. 3.400.000,=. Ta pa prome biaha den historia di Lotto di Aruba cu e premio
grandi ta yega e suma aki.

Prome cu diamars ultimo, e record di Mini Mega di Lotto di Aruba tabata Afl.
3.150.000,= y nan a gan’e dia den december 2016 y a reclame algun siman
despues. A gana e premio aña pasa na Lucky Mac situa na Santa Cruz.

Pa e sorteo di diabierna awo e jackpot ta na e suma record y Lotto ta contento di
por ofrece e premio aki na nos pueblo, cu ta contribui pa medio di nan compra di
Lotto cu deporte na Aruba y cu esaki tambe na e desaroyo y bienestar di nos
hobennan. Lotto ta premira un dia sumamente druk diahuebs y diabierna. Como
tal, E Loteria di Aruba y tur su rebendedonan ta invita cumpradonan pa cumpra
nan numbernan di Mini Mega y Mega Plus AWE caba pa asina evita para den
rijnan largo diabierna.

E entusiasmo pa cu e sorteo di Mini Mega ta mas grandi cu nunca y diabierna cu
a pasa por a mira rebendedonan rond Aruba, cumpliendo cu peticion di
clientenan, a habri nan porta for di tempran caba pa asina brinda servicio mas
comodo na nan clientenan.

Tin dos forma pa hunga Mini Mega y Mega Plus: Pidi e rebendedo di Lotto pa un
Mini Mega cu su Mega Plus Loco of scoge cuater number entre “01” te cu, y
incluyendo “30” y un Mega Ball, cual ta un number entre “01” te cu y incluyendo
“15”. E Mini Mega cu su Mini Mega ta Afl. 7,=.

Lotto, e loteria di Aruba tin diferente wega, Catochi, Big 4, Zodiac, Wega di
number di Corsou di Lotto, Lotto di dia, Lotto 5, Mini Mega cu su Mega Plus y e
diferente weganan di Raspa y Gana. Cumprando Lotto bo ta contribui na deporte
riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di
donacionnan na e comision di subsidio.