Page 29 - solo 11 aug
P. 29
Diamars 11 Augustus 2015 Pagina 29
Solo di Pueblo... Local
Team di Train Hard Fight Smart a bishita Grand
Master Shin Chul Kang na Korea
Dialuna merdia ex
campeon mundial Henk
Meijer kende ta guiando e
team di Brazil Taekwondo
Stichting a hiba e atletanan
na Kang's Taekwondo
Namchang Dojang di
Grand Master Shin Chul,
Kang na Suwon, Korea.
Grand Master Shin Chul,
Kang ta un leyenda grandi
di Taekwondo na mundo
cu tin e rango di mas halto
cu ta 9-dan. Grand Master
Shin Chul, Kang a funda
e Bond di Taekwondo di
Iran, tambe tabata e coach
di Iran y a sa di pone Iran
na number 1 den e rango
di atleta homber (Nr. 1
Male in the World). Iran a
cuminza cu 30 mil hende
practicando Taekwondo
y awendia nan tin 1.7
miyon hende ta practica
Taekwondo. Ademas
Grand Master Shin
Chul, Kang tin su propio
museum di Taekwondo,
un gang di potretnan di
Taekwondo cual ta haci'e
un galeria completo y rond
mundo e la bishita y tambe
a sali den varios revista. E
ta duna les priva y ta biba
rond mundo, specialmente
na Iran pa duna training.
Grand Master Shin Chul,
Kang a skirbi varios buki
di Taekwondo y tambe
a traha varios video
di Taekwondo. Grand
Master Shin Chul, Kang
a hunga un rol principal
na Discovery Channel pa
pais Korea. Su yiu muher
ta campeon mundial den
Poomsee.
Esaki tabata un honor y un
bon experiencia pa e team
di Train Hard Fight Smart
hunto cu Henk Meijer di
por a bishita Grand Master
Shin Chul, Kang na su
Dojang y e team a wordo
bon ricibi cu portanan
habri. Diariamente Grand
Master Shin Chul, Kang ta
haya bishita di hopi hende
for di rond mundo. Su
estilo ta Moo-Duk-Kwan
cu e ta domina te cu e dia
di awe.
