Page 47 - HOH

Apesar cu e Minister ta bisa cu e structura di prijs y cobransa pa loke ta toca Serlimar no
ta perhudica ningun compania priva, nos si ta kere cu esaki t’e caso, segun Booshi
Wever.

Saliendo for di e 32.000 puntonan cu Serlimar tin na su encargo, segun e Memorie van
Toelichting, ta pone cu Serlimar lo haya un entrada pa recoge sushi di 225 mil florin pa
luna cu lo suma na 2.7 miyon florin pa aña, basa riba e prome prijs di 7,50 florin pa
“ophaalpunt”.

Mientras cu p’e “fixed-bidding-procedure” di aña pasa p’e 22 truck nobo, e “lease” lo
costa Serlimar 2,5 miyon florin pa aña. Kiermen pa pago di empleadonan y otro gastonan
operacional ta resta solamente 200 mil florin?

Pues nunca e prome calculacion no por tabata bon. Esaki ta nifica cu ningun compania cu
ta recoge sushi sea na cas of negoshi lo no por sobrebibi cu un suma asina. Anto di otro
banda e Minister kier a cobra 17,50 florin extra p’e resto di trabou di Serlimar, loke no
por a wordo substancia tampoco.

Cu e cambio n’e momentonan aki, loke Serlimar ta cobra pa ophaal t’e suma total di 5,4
miyon florin pa aña, basa riba e prijs di 15,00 florin “per ophaalpunt”. Esaki tampoco na
nos aperecer no por wordo substancia.

Nos ta kere cu Parlamento, banda di un “businessplan” di e compania, mester por exigi
pa wak e cifranan con a yega n’e 15 florin aki pa “ophaalpunt” y e 10 florin pa
“verwerking”, mantene Aruba limpi y recoge cadaver di bestia morto, Booshi Wever a
sigui comenta.

P’e ultimo aki tambe UPP tin su reserva- y observacionnan. Mirando cu segun e concepto
di ley manera e ta aworaki, Serlimar lo tin un verwerking minimo di sushi, ya cu e trabou
di lanta cadaver di bestia, tene Aruba limpi y snoei mata etc. ta un tarea di Gobierno,
esaki mester sali for di Algemene Middelen, manera t’e caso aworaki, pa medio di un
contrato entre Gobierno y Serlimar. Pa colmo nos ta puntra nos mes dicon pa e trabou di
banda di caminda kier cobra e pueblo “extra”, pasobra Serlimar ta haciendo e.o. D.O.W,
ATA y Sta. Rosa tambe tin e ploegnan aki cu SI ta wordo paga for di “Algemene
Middelen”.