Page 12 - 1f24

PAGINA 12 DIARIO DIAHUEBS 1 FEBRUARI 2024

Ambiente na Noord
Diaranson anochi a tuma lugar e North Internation-
al Sunset Parade cu a atrae hopi participante y tambe
mirones pa mira esaki. E parada a sali for di Bubali bay
pariba, pasa Shaba, Boegoeroei, y yega Misa di Noord, y
na rotonde a bira bay pabao rumbo pa e sucursal di CMB
Bank unda el a finalisa.
Esaki tabata e di dos lustro di e parada aki. Na comien-
so tabatin Quality Brassband, sigui pa Flow Music Steel-
band, y a cera cu YX3M, esta Youth Xtreme. Pueblo di
Noord ta sinti cu nan a haya falta di mas grupo y banda
musical pa a join nan.

Scolnan a uni
Diabierna lo tin Paradanan Escolar tanto na Playa como
tambe na Santa Cruz. Sin duda alguno, por mira con
scolnan local ta uni pa asina participa den dje y trece
ambiente leuk special pa e muchanan.
Otro siman tambe lo tin Parada Escolar pa Scolnan
Avanza, y aki por a nota cu algun scol a dicidi na uni, pa
asina hunto nan cubri e gasto di tin un banda musical pa
acompaña nan den e ruta.
Por a nota cu e.o. Maria College MAVO a uni cu La
Salle College MAVO pa hunto cubri e gasto di e banda
musical cu ta acompaña nan. Nan lo bay tin e grupo

musical YX3M pa anima nan. E deadline
pa alumnonan di La Salle registra ta Dia-
bierna 2 di Februari. Pariba di Brug tam-
be, a nota cu e.o. Colegio Nigel Matthew
a uni hunto cu Abraham de Veerschool,
Filomena College, y Colegio San Augus-
tin pa asina cubri gasto pa nan tin banda
di Tsunami acompaña nan den e ruta.
E ruta di Parada Escolar na San Nicolas
lo ta igual cu e ruta di Parada di Mucha
na San Nicolas, pues sali di Joe Laveist,
bay direccion Mainstreet San Nicolas,
bay pasa banda di Aruba Carnival & En-
tertainment Village, bira na Julio’s, y sali
bek na Joe Laveist.