Page 25 - RDA
P. 25
Presidente di CITGO Petroleum deteni
na Venezuela pa corrupcion
Posted on 11/21/2017 4:37 pm AST | Updated on
11/21/2017 9:55 pm AST
CARACAS - Autoridad Venezolano a desmantela un posibel clan di corupcion cu ta
involucra hefenan halto di e filial di PDVSA, esta Citgo Petroleum Corporation cu lo a
solicita un fiansa sin autorisacion di e ehecutivo nacional. Asina Fiscal General di
Venezuela, Tarek William Saab a declara den un conferencia di prensa y cu a keda
publica riba e portal nacional di informacion di e pais VTV (Venezolana de Television).
A cera contracto di hasta 4 mil miyon di dollar, uzando CITGO como garantia
'comprometiendo e patrimonio di e Republica'.
DETENIDONAN
Entre esnan deteni tin e presidente di Citgo, José Ángel Pereira Ruimwyk, y otro
directornanTomeu Vadell, Alirio Zambrano, Jorge Toledo, Gustavo Cárdenas y José
Luis Zambrano. Ademas, segun e portal, resultado di un investigacion haci, na februari
di 2014, Pereira a ofrece informacion confidencial riba e strategia di negociacion di
Venezuela referente e conflicto di e trasnacional Conoco Phillips.
