Page 27 - RDA

2 MINS

POST VIEWS: 6

CARACAS, Venezuela

E problemanan interno di Venezuela, segun fuentenan di e pais ey ta bisa, a causa cu e martiu a dal

riba e clabo pa aresta 6 ehecutivo di CITGO, kendenan tur ta of tabata aliadonan di Presidente
Nicolas Maduro. Esaki ta locual ta haci e situacion mas straño.

Esnan cu a wordo deteni ta: – José Pereira, presidente di Citgo (desde mei ultimo); Tomeu Vadell,

vicepresidente di Operacion di Refinamento; Alirio Zambrano, vicepresidente y gerente general di
e Refinería Corpus Christi; Jorge Toledo, vicepresidente di Suministro y Comercializacion; Gustavo
Cárdenas, vicepresidente di Relacionnan Strategico cu Accionista y Gobierno; y José Luis

Zambrano, vicepresidente di Servicio Comparti.

Tarek William Saab, fiscal encarga cu e caso, a bisa cu den Citgo tin “corrupcion di mas putrid”.

Ta parce cu e directivonan aki den luna di juli ultimo a firma un acuerdo pa refinanciamento di e

debe di CITGO bou condicionnan contrario na interesnan di Venezuela y cu esaki a laga e refineria
den un posicion hopi comprometid, poniendo su instalacionnan como garantia di e operacion aki.

Remarcabel ta cu CITGO, e filial di e empresa petrolero estatal di Venezuela PDVSA, a aporta mey
miyon dollar den ceremonia di huramentacion di Donald Trump.

“Nan a haci esaki hopi discreto, sin sikiera coordina cu autoridadnan competente. Esaki ta corupcion,
corupcion di mas putrid,” Saab a bisa den un conferencia di prensa.

Si esaki ta un situacion cu lo cambia e situacion na Aruba no ta conoci ainda.