Page 11 - DESPA
P. 11
di implementa e “Landverordening Kwaliteit in de Gezondheidszorg” cu ta contene
normanan di calidad pa proveedornan di cuido. Ademas lo modernisa leynan pa proteha
derechonan di pashent no solamente contra mal practica medico pero tambe contra mal
servicio.
Lo crea y forma mas profesionalnan den cuido medico, manera enfermeronan via nos
instituto actual cu ta EPI sector di cuido y tambe den futuro lo kier bin cu un Academia di
cuido aki nan na Aruba na nivel di HBO na unda nos por crea mas profesionalnan den
diferente area di cuido. Den e forma aki nos lo stimula nos hobennan pa escoge pa
profesionalisa nan mes na nan mesun isla y keda aki nan pa eherce nan profesion na
benificio di comunidad. Mester aumenta e cantidad di dokternan di cas, cu actualmente
tin solamente un dokter di cas pa cada 1500 pa 2000 pashent. Locual tambe sigur mester
aumenta ta e cantidad di specialistanan pa di e forma aki baha e lista di espera pa servicio
medico specialisa.
Un punto di accion cu sigur tin atencion di e mandatario ta nos mediconan yui di tera cu a
studia den Region, Merca y Europa. Lo bai hasi un reevaluacion debido, consulta cu tur
stakeholders, specialistanan y despues di esaki haci lo posibel pa implemneta e
“Landsverordening Beroepen In de Gezondheidszorg” (ley di BIG). Ta hopi importante
pa inclui e profesionalnan aki den e area di salud den nos sistema di salubridad actual pa
di e manera aki reforsa e cuido medico en general pa asina hisa e cantidad di dokternan y
specialistanan na beneficio di comunidad di Aruba.
