Page 8 - DESPA

Djabièrnè 24 Novèmber 2017 45

Fundashon Cura+ Suppot ta mustra riba

Skonde tra’i kultura,
legumai prevení

W I L L E M S TA D . - Den siman di HIV/AIDS di 26 novèmber pa 3 di sesèmber
2017, FundashonCura+
Support ta organisá un
siman di anochinan
informativo i edukativo
tokante HIV/AIDS, den
koperashon ku Sentro di
Bario Seru di Papaya. E
programa ta dirigí na tantu
hóben i adulto di Seru di
Papaya, komo e bario piloto
ku Cura+ tin mas di 6 luna
ta traha kuné komo parti di
su proyekto di prevenshon
di HIV. Den e siman aki lo
trese dilanti tur e diferente
aspektonan di problemátiko
rondó di HIV/MTS na Seru
di Papaya pero tambe den
hinter nos komunidat. P’esei
ta invitá henter pueblo di
Kòrsou pa bin subi seru
di Papaya i partisipá na e
siman di HIV aki tur anochi.
Asina huntu por kuminsá
trese kambio den e parti di
kultura di Kòrsou ku ta
skonde pa realidat di HIV
i no ke kambia. Cura+ i
Seru di Papaya ta konta ku
partisipashon di pueblo.
Cura+ ta puntra kuantu
tempu mas lo sigui skonde
tras di kultura pa no asumí
responsabilidat pa ku
prevenshon di HIV/AIDS i
MTS (malesanan transmití
seksualmente) na Kòrsou.
Tur dia ta tende e mes un
kos ora ke papia di e tópiko
di prevenshon di HIV. Ta
present’é komo un tabú den
pueblo.
Papia di seksualidat
i sèks tambe ta otro
hipokresia. Tantu komedia
tras di henter e kos. Pero ora
wak bon tur dia 24/7 for di
mainta trempan, o mèrdia
12 ‘or den solo kayente,
hende ta buska lugá pa hasi
sèks. Sin papia ku anochi na
kasi tur laman, kualke lugá
di parker,
bañonan públiko, tur
kaminda sèks ta sosodé.
Esaki ta mustra ku Kòrsou
ta un sosiedat seksualmente
aktivo i ku bida seksual
masha dia no ta un kos
di den kamber, sino unda
ku ta i den públiko tambe.
Tòg ke papia di un kultura
di ta hende masha reservá
pa ku seksualidat. Yen
tin bèrgwensa pa yega un
snack, òf drenta un botika
pa kumpra un kondon komo
protekshon, pasobra ‘kiko e
persona tras di bali lo pensa.
Pero si ta keda sèks sin dje i

Sigui lesa pagina 47