Page 15 - MIN VOS 28 JUNE 2017
P. 15
S.V. Britannia a sa di pone Aruba su nomber na halto den
deporte
Wednesday, 28 June 2017 11:56
Comparti
Diabierna ultimo a sali pa Sint Maarten e team di damas di S.V. Britannia cu a haya un invitacion di e
organisacion Oualichi pa participa na e Dutch Carribbean Soccer Cup cu tabata tin participacion di e
teamnan di Subt Corsou, Oualichi di Sint Maarten y seleccion di Boneiro. S.V. Britannia di Aruba a sa di
gana su weganan y bira campeon di e Dutch Caribbean Soccer Cup.
Diabierna mes tabatin e apertura na stadion Raoul Illidge cu e partido entre Oualichi y Boneiro cual
partido Boneiro a gana cu score di 3-1. Diasabra S.V. Britannia a hunga un dobbel header unda cu su
prome wega tabata diasabra mainta. Nan a topa cu e team fuerte di Subt Corsou. S.V. Britannia a gana e
partido cu e score di 3-2 cu golnan anota pa Mylené Croes, Aaliyah Simon y Zahira “Isa” v/d Linde. Den
oranan di diasabra anochi S.V. Britannia a enfrenta e team di Sint Maarten Oualichi y aki tambe a gana
su partido cu e score di 5-0. E anochi aki Mylene Croes y Aaliyah Simon a anota 1 gol respectivamente,
mientras cu hattrick di Amy Henao, kende a anota 3 gol durante e wega. Diadomingo atardi S.V.
Britannia a hunga su ultimo partido contra e seleccion di Boneiro y aki a gana cu e score di 5-0, cu golnan
di Lotte Stock, Amy Henao, Aaliyah Simon y Mylené Croes a hinca 2 gol. S.V. Britannia a sali campeon
invicto di e torneo cu 13 gol na fabor y solamente 2 gol contra. Golgether di e torneo a sali Mylené Croes y
Amy Henao a sali hungado mas valioso. Dialuna mainta S.V. Britannia a yega Aruba y a keda masha
contento cu e presencia di Minister di Salud Publico, Cuido di Nos Grandinan y Deporte, Dr. Carlos Alex
Schwengle a topa cu e damanan di Britannia na aeropuerto. Minister Schwengle a ricibi e hungadonan y
felicita e damanan y e staf tecnico di e team. S.V. Britannia kier a gradici Minister Schwengle, kende
tambe a contribui cu e organisacion pa por a realisa e biahe aki.
