Page 16 - MIN VOS 28 JUNE 2017

Wednesday, 28 June 2017 14:09
Comparti

E federacion di tenis di mesa a tene nan prome torneo di ranking pa 2017. E hungadornan den tur
categoria a enfrenta otro pa asina defini nan posicion fiho riba e ranking di ATTA. Tur fin di luna e dicho
federacion ta tene nan torneo di ranking.

Nos tin e siguiente resultadonan Den e categoria U10 nos a haya na prome lugar e hoben Therron
Wijman mientras na di dos lugar a keda Yi Zu Chen y na di tres lugar a keda Jeyden Fernandes. Den e
categoria U13 nos tin na prome lugar e hoben Bob Chung mienteas na di dos lugar nos tin Robert
Dirksen y na di tres lugar Joseline Boekhoudt. Den e categoria U18 e prome lugar a bay pa Ching Ho
Chung mietras na di dos lugar a keda Jean Claude Hoek y na di tres lugar Jeandry Mathilda. Despues di
esnan infantil y hubenil a sigui cune categorianan di B y A klas. Den e categoria di B klas na prome lugar
a keda Wing Chow Leong, na di dos lugar nos tin James Letren y na di tres lugar a keda Zhao Xie.

Por ultimo den A Klas e bataya tabata fuerte unda Mario Lobo a termina na di prome lugar sigui pa Andy
Gomes cu a keda na di dos lugar y Franklin Lopes cu a keda na di tres lugar. Un danki sigur na Lotto, e
Loteria di Aruba pa medio di Comision di Subsidio cu a subsidia e torneo ranking di Aruba Table Tannis
Association. Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes momento inverti den
deporte local pa medio di donacionnan na e Comision di Subsidio.

Comentarionan (0)