Page 54 - HOH
P. 54
Koolman: Aruba no por nenga bapor
crucero sin mas di drenta
Posted on 02/26/2020 4:53 pm AST | Updated on 02/26/2020 4:54 pm AST
ORANJESTAD – Aruba no por nenga un bapor crucero di mara na nos haf of, pio
ainda, un avion di baha na Aruba sin mas. Segun hefe di departamento di malesa
contagioso di Departamento di Salud Sharline Koolman, mester tin un motibo hopi
extremo pa Aruba cera frontera pa un bapor of avion asina. E hecho cu otro islanan
den Caribe si a opta e siman aki ainda (lesa e articulo riba noticiacla di Jamaica) pa
nenga bapornan crucero di mara na nan haf, tin consecuencia internacional pa nan,
segun Koolman.
NO POR NENGA
Segun Koolman, tratadonan internacional ta prohibi pa nenga ‘trade and travel’, esta
comercio y biahe of interumpi esaki. Mester tin motibonan valido pa por tuma e paso aki.
Ora cu nenga un bapor pa mara na un isla, ta nengando un cantidad grandi di pasahero, y
ta pone cu nan ta keda riba laman sin por yega un caminda. Algo asina
internacionalmente tin sancionan.
