Page 15 - MIN.ON 16 OCT,2015

Pagina 12 Diabierna 16 Oktober 2015

Enfocando riba motivacion y resultado exitoso

Filomena College Mavo ta gradici ROTARACT pa e tremendo
iniciativa pa e alumnonan di examen

Dialuna anochi, e
alumnonan di Filomena
College Mavo a presencia
un charla di motivacion y di
resultado di nan encuesta
tocante e formanan di siña.
E organizacion dinamico
Rotaract a compromete
cu e alumnonan cu nan lo
contribui cu 3 encuentro pa
yuda nan den e formanan di
siña pa nan S.O. y Examen,
p’asina termina nan school
secundario cu exito.
Un total di 76 alumno tin
awor na Filomena College
Mavo inscribi pa haci S.O.
y Examen y mester bisa
cu e alumnonan como
e docentenan ta hopi
entusiasma y energetico y
ta trahando duro pa logra
e meta final. Rotaract a
prepara 3 workshop, unda
cu nan lo concentra riba
e aspecto di motivacion y
conseho pa e alumnonan
por yega na exito total. E
trabao y dedicacion di e
team dinamico di Rotaract
ta di aplaudi y aprecia, ya
cu ta den nan temponan
liber nan a analiza tur e
encuestanan y prepara
e workshopnan pa e
alumnonan di Filomena
College Mavo. E anochi
na Teresita Center a bay
super bon y e alumnonan
a disfruta di e charlanan
como tambe e resultado- y
consehonan con nan por
siña mas efectivo y prepara
nan schedule pa tin mihor
resultado.

Filomena College mavo ta
gradici di curazon e team di
Rotaract pa e compromiso
aki cu nan alumnonan
y tambe kier manda
gradicimento special pa
Rotaract su miembronan,
revista FOCUS y Tropical
Bottling pa nan sponsor
pa cos di come y bebe pa
e anochi aki. Finalmente
e alumnonan a duna
e evaluacion final cu e
workshop tabata uno hopi
educativo y divertido y ta
ansioso pa e siguiente
workshop di Rotaract.