Page 8 - AHATA
P. 8
Diahuebs, 26 September 2024 AWEMainta COMUNIDAD 27
AHATA ta regala set di hermentnan
profesional na studiantenan culinario di EPI
ARUBA Hotel & Tourism Association (AHATA) a haci
un donacion di 52 set di cuchiu profesional di ASD
Aruba na studiantenan di prome aña di e programa
culinario di EPI HORECA. Adicionalmente, e alum-
nonan a ricibi T-shirt di AHATA su campaña “Ami Ta
Turismo”.
Sra. Vanessa Rasmussen, Manager of Member
Services and Administration di AHATA, a entrega e
donacion den presencia di e alumnonan y facultad
di EPI HORECA. Como representante di e asociacion,
Sra. Rasmussen a enfatisa con e hermentnan ta mas
cu un instrumento culinario, e ta representa e prome
paso den e futuro carera di e hobennan.
Como un organisacion di dunado di trabou cu ta traha
p’e sostenibilidad di Aruba su economia y turismo, e
asociacion ta traha activamente riba diferente inici-
ativanan cu ta apoya e sector di enseñansa, p’asina
yuda cera e “gap” entre educacion y nos mercado
laboral.
AHATA ta felicita e studiantenan pa tuma e paso
importante aki den nan formacion profesional y ta
duna nan un cordial bon bini den e industria culinario
y turistico. Cu e donacion di e hermentnan di calidad
halto aki, e asociacion no solamente ta inverti den nos
talentonan local, pero ta spera di inspira mas hoben
pa continua nan carera y ambicion den e mundo di
gastronomia cu gran motivacion y dedicacion.
