Page 21 - bon-dia-aruba-20191026

A21
deporte Diasabra 26 OctOber 2019

Ganadonan di My Guardian Group Walk and Run Aruba

a biaha pa Corsou

ORANJESTAD – Ayera mainta a biaha pa Corsou Jon-
athan Busby, kende a gana overall 6K masculino dia 9
di juni ultimo na My Guardian Group Walk and Run
Aruba. Hunto cu Jonathan biaha tambe Alexander
Hodge, kende a gana overall masculino den distancia
10K na e My Guardian Group Walk and Run Aruba y
St. Maarten.
Alexander Hodge a gana su participacion na e My Guardian
Group Walk and Run St. Maarten final di juni y ganando over-
all 10K un bes mas na St. Maarten, e la gana su participacion
pa My Guardian Group Walk and Run Corsou. Si Alexander
Hodge gana na Corsou, e ta e prome atleta di gana ariba tur
isla unda Guardian Group tin un oficina y ta organisa Guard-
ian Group su walk and run.

Nos ta sigur e Alexander lo duna tur cu tin pa gana e titulo
maximo den careda di Guardian Group walk and run Corsou
su di 36 edicion. Na Corsou tin total 5,000 participante cu ta
cana of core. Di Aruba tin mas atleta cu ta biaha tur aña pa
participa. Na Corsou e ruta ta pasa ariba Juliana Brug y ter-
mina na Parasasa Beach serca di WTC.

E ganadonan femenino pa 6K, Kirah Regales y 10K, Lana
Gobert no ta participando na Corsou. Lana Gobert, mescos
cu Alexander a gana e aña aki Aruba y tambe na St. Maarten
como overall femenino 10K. Pero pa motibo di preparacion
pa su careda na NY, e no por participa. Lana ta e ganado over-
all femenino di My Guardian Group Corsou 2018. Kira Re-
gales a bay studia afo y p’esey e no por a logra combina su
studio y participacion na Guardian Group su walk and run
2019. Guardian Group ta desea Kira Regales hopi exito den
su estudio y na Lana tambe hopi exito na e Marathon di New
York.

Jonathan Busby, despues di su experiencia internacional den
atletismo, ta cla pa core 10K a pesar di tabata den preparacion
continuo den e ultimo lunanan aki pa distancia 5K. Jonathan
a priminti di haci lo miho posibel pa termina den un bon tem-
po. Alexander Hodge no por warda e dia yega. E ta semper
cla y prepara pa ranca sali. Na nomber di Guardian Group
Aruba nos a desea Jonathan Busby y Alexander Hodge y de-
mas coredo nan di Aruba, tur exito pa gana e titulo maximo pa
Aruba den nan categoria di edad y/o Overall.