Page 31 - bon-dia-aruba-20191026

A31
LOCAL Diasabra 26 OctOber 2019

Festival di Buki cu meta pa stimula muchanan pa lesa

ORANJESTAD – ‘Ban lesa, biaha y gosa’, esey ta e
tema di e 27 Festival di Buki pa Mucha cu Biblio-
teca Nacional di Aruba ta organisando y cu lo tuma
luga diabierna dia 1 di november na Cas di Cultura.

Durante un conferencia di prensa cu Astrid Britten, di-
rector di Biblioteca Nacional Aruba, hunto cu Nathalie
Croes y Yosmar Sneek a duna pa medionan local, nan a
duna di conoce cu e evento lo tin un duracion di shete
dia cu un participacion di 64 scol basico, preparatorio y
special.

Britten a comenta cu e aña aki, e autor local ta trahado di
BNA, Richard Dabian kende a traha e historia di e ‘Faro
Multicolo’, e traductor ta Lilian Semeleer, ilustracion ta
na encargo di Gewout Esselink kende ta un ilustrado Hu-
landes y tambe ta participante di e festival.

Di mesun manera, Britten a señala cu e Festival di Buki
ta acompaña di e cantica ‘Ban Keiro’ composita door di
Zulaika Geerman.

Nathalie Croes, encarga cu apertura y clausura di festival
y miembro di e comision, a trece dilanti cu e festival lo
cuminsa diabierna dia 1 di november cu e programa di
6or pa 8or na Cas di Cultura. E actividadnan ta combina
cu un mercado di buki cu e participacion di algun spon-
sornan, unda hende lo tin e oportunidad di cumpra un
buki di 25fl of mas y nan por haya un otro gratis.

Tambe nan lo tin presentacion di grupo musical y un ex-
posicion cu departamento di catalog di BNA a haci. To-
cante e clausura, esey lo tuma luga diabierna dia 8 di no-
vember, desde 6or te 8or na Prinses Amalia Basicschool.

Yosmar Sneek, coordinador di festival, a anuncia cu e aña
aki nan tin e cantidad di 14 participante, entre nan autor,
contado di cuenta y ilustrado cu ta bin for di Boneiro,
Corsou, Colombia, Hulanda y tambe Aruba. E partici-
pantenan ta bay bishita e 64 scol cu ta participa, entre nan
scol basico, scol preparatorio y scol special.

Sneek a expresa: “Nos ta hopi contento, pasobra e pro-
mocion di lesamento ta nos idea y esaki ta lo cual nos ta
bay p’e y esaki ta lo cual autornan tambe kier: duna gusto
y stimula e muchanan pa lesa y den futuro nan lo por
skirbi tambe”.
Di parti di autornan di Hulanda, lo bay ta presente Mari-
ella van de Beek, Juliette de Wit, Jeroen Hoogerwerf y
Gewout Esselink; for di Corsou lo bin Tio Ali y Cathleen
Giterson; di Boneiro Denise de Jongh-Rekwest y tambe
Xiomara Frans-Muller pa prome biaha; for di Colombia
nan lo tin Pedro A. Vargas Alvarez; y na representacion di
Aruba Sergio Tjie-A-Loi, Shaila Vrolijk-Balgobing, Olga
Buckley, Emerita Emerencia y Richard Dabian. Tambe el
a sigura cu tur scol lo haya un cantidad di buki door di
BNA como regalo.
Ademas, el a menciona cu e aña aki e tema di e festival ta
transporte. Door di esaki e muchanan por haya ideanan
creativo e parti mas importante ta pa laga nan produci.

Tocante e diferencia compara cu añanan anterior, Astrid
Britten a comenta cu e aña aki e apertura lo bay ta mas in-
teractivo of digital, e imagennan lo wordo produci pa via
di un computer pa drenta tambe den era di innovacion.

Na e momentonan aki, lesamento tambe ta sosode di
manera digital, pa motibo cu e personanan ta haya e opor-
tunidad via un tablet of computer. Diferente persona ta
prefera lesamento sea tradicional of digital, pero lesamen-
to ta locual ta keda importante.

Britten a informa cu BNA ta trahado duro riba proyecto
cu gobierno ta purba di haci cu e-Goverment y BNA no
ta keda atras. Pronto e catalog di nan ta bay ta online, cu
hende por descarga for di nan cas.