Page 8 - awemainta12sept2015
P. 8
8 AWEMainta Diasabra, 12 September 2015
Fraccion MEP a hala
atencion di Presidente
di Parlamento
E deficit den nos democracia ta continua cu ce-
ramento di Aña Parlamentario 2014/2015. Neta-
mente p›esaki fraccion di MEP a entrega un carta
halando atencion di Presidente di Parlamento re-
laciona cu varios reunion cu nunca a wordo yama.
Tur ora bo ta tende Presidente di Parlamento papia di
democracia, pero ora cu mester practica esaki ta re-
sulta cu e palabranan bunita ta keda leu di e realidad,
ya cu tin un cantidad di tema cu a wordo ignora door
di Presidente di Parlamento, segun fraccion di MEP.
Den e carta fraccion a recorda Presidente di Parlamento
cu segun regla di ordo un reunion lo mester wordo honra
y yama den 30 dia.
Pa aña 2014 un total di 11 reunion publico a keda sin
wordo yama. Nos di MEP sigur ta lamenta cu ora ta
trata di peticionnan haci dor di oposicion tin un medio
ignorancia y den cierto caso manera e 11 nan aki nunca
ta wordo honra.
Esaki t›e deficit den democracia cu nos ta papia di dje y
nos ta condena esaki, fraccion di MEP ta laga sa.
