Page 9 - awemainta12sept2015

AWEMainta Diasabra, 12 September 2015 9

MEP:

Green Corridor ta causando hopi
molester den Pos Chikito y Savaneta

PARLAMENTARIONAN di

MEP a acudi na Pos Chikito y Sa-
vaneta pa scucha preocupacionnan
di habitantenan pa cu construccion
di e Green Corridor.
T’asina cu e habitantenan mes no
a haya ningun informacion kico
ta tumando lugar, te cu poco dia
ey cu un persona di e compania
CIC a pasa y avisa e habitantenan
cu nan cas por sufri daño dor di
e trabounan di construccion di e
Green Corridor.
Esey a cat den masha mal tera
serca e habitantenan, peor nan no
a keha.

Awor ta resulta cu e caminda nobo
ta pasa masha serca di nan cas, y
nan no por saca nan auto pafo mas
di nan cas.
Esey si ta di mas, y nan a cuminsa
cana un caminda di cruz pa haya
atencion. Pero ningun caminda
kier atende nan preocupacionnan y
pesey a pidi atencion di Parlamen-
tarionan di MEP cu semper ta acudi
ora nan wordo yama.

Lider di MEP, Evelyn Wever-Croes,
hunto cu Parlamentarionan Ady
Thijsen, Chris Romero, Guillfred
Besaril, y e politico hoben di Pos
Chikito, Gerick Croes a acudi na
Pos Chikito den becindario di Bot-
ica Aloe, pa mira pa nan mes con
peligroso e situacion ta bay bira.
Locual ta mas di condena ta cu
ningun hende ta informa e habi-
tantenan di nada. Algun tin miedo
di bisa algo pa miedo pa represaya,
pero otronan si a cansa y a vocifera
nan preocupacion.

E Parlamentarionan a mira pa nan
mes, y a tuma informacion pa nan
bay cuestiona henter e asunto aki,
pasobra no ta husto cu e habitan-
tenan di Pos Chikito y Savaneta
mester wordo sacrifica pa un ca-
pricho di Gabinete Mike Eman.