Page 19 - MIN JUS JAN 15,2016

46 Djabièrnè 15 Yanüari 2016

...Konsiderando ku
e argumentunan ta

sólido...

MINISTER NAVARRO
SATISFECHO KU
KORTE A RATIFIKA
BASE AFPAKTEAM

WILLEMSTAD.- Minister
di hustisia Nelson Navarro
a ekspresá satisfakshon
pa e hecho ku Korte a
duna lus bèrdè pa bende
e merkansianan ku
Afpakteam a konfiská den
e promé akshonnan di aña
pasá. Miéntras ku tabatin
un kaso den korte, ya kaba
a manda e outonan Ulanda
pa un findishi ku ta tuma
lugá riba un wèpsait
popular.

Manera EXTRA a
informá, parti di e
merkansia konfiská ta na
benta na Ulanda/Oropa.
via di e wèpsait aki. Den e
promé simannan di e aña
aki e benta lo ta formalisá.
E interes ta enorme. No ta
masha kla si e abogadonan
ku a prosedé den e kaso
aki lo apelá e desishon
di korte. Aparentemente
esei ta e intenshon. No
ta konosí tampoko si
un eventual apelashon
ku resultado positivo lo
nifiká ku mester debolbé e
outonan bèk siendo ku nan
ta den proseso di benta
kaba. Pero kiko lo hasi si
ya nan ta bendé kaba?

Minister Navarro
a splika ku a skohe e
trayekto pa bende e
outonan pafó di Kòrsou
pasobra si bende nan na
Kòrsou, e kriminalnan lo
por tuma represaya riba
esnan ku kumpra e outo
(nan). Esei lo pone ku e
persona ei por hañ’é den
problema, asina e minister
a bisa.

Pa loke ta trata e kaso
den korte, e minister a
bisa ku e ta kere ku tin
un base hurídiko pa por
konfiská e propiedatnan
aki i bende nan na findishi.
“Naturalmente tur hende
tin e derechi pa bai korte,
pero nos ta optimista ku
si nan bai korte mes, nan
lo no gana nan kaso. Nos
base hurídiko ta sólido”,
segun e minister.

Minister Navarro a bisa
mas aleu ku si den kualke
apelashon finalmente
e doñonan haña rason,
lo mester regla esei via
di un sistema di daño i
perhuisio. “Esnan ku a

Sigi lesa pagina 48