Page 31 - min.soc 8jan,2016

Djabièrnè 8 Yanüari 2016 45

PROGRAMA
BARIO PA BARIO
A KUMPLI 21 AÑA

WILLEMSTAD.-
Programa Bario pa Bario
21 aña pasá a mira lus
di dia riba vèlt di mundu
Nobo atraves di Curom
Z86. Bario pa bario for
di prinsipio a demostrá
ku no ta únikamente
un infrastruktura sino
kontakto, relashonnan i
sentido di kompromiso
entre bisiñanan. Segun e
presentadó di e programa
Bario pa Bario ora ta papia
di bario ta referí na un
forsa sumamente potente
den sirkunstansia en
general di Kòrsou.

Tambe e ta haña ku
planifiká atraves di
barionan lo yega na un
komunidat muchu mas
mihó balansá.

Poniendo énfasis riba
bario aktividatnan manera
deporte, músika, arte i
tambe agrikultura por
keda atendé i kordiná ku
muchu mas efektividat.
Habitantenan ku ta traha
den nan bario por duna
forma i kontenido na
kombibensia, kòntròl
sosial i solidaridat ku otro.

E programa Bario pa
Bario for di kuminsamentu
a keda bon risibí den
komunidat i tambe serka
organisashonnan di bario
ku a duna ful koperashon
pa partisipashon den e
programa Bario pa Bario.
Na 2002 e programa a pasa
pa Radio Hoyer.

Tambe e programa a
buska lasonan den Karibe
pa sa mas di relashonnan
familiar i históriko entre
diferente pais i Kòrsou.
Paisnan manera entre
otro Cuba, Sürnam, Santo
Domingo, Venezuela (parti
Coro). Aparte di e programa
ku ta tuma lugá tur siman
tin tambe un rúbrika ku ta
referí na sirkunstansianan
di barionan na Kòrsou ku
ta sali den korant.

E programa Bario pa
Bario a djòin algun aña
pasá ku e plataforma
di sentronan di bario
na Kòrsou kual ta
Unsebako. I for di awor
lo hasi tur posibel pa e
sirkunstansianan den
bario na Kòrsou lo ta
tema prinsipal durante e
kampañanan a-polítiko
aktual i e periodo di
gobernashon ku ta sigui
despues.