Page 32 - min.soc 8jan,2016

Djabièrnè 8 Yanüari 2016 55

KONDOLENSIA PA TED KOETSIER

WILLEMSTAD.- Famia
i amigunan por a
ekstendé kondolensia
na kasá i yunan di e
defuntu Theodorus
‘Ted’ Koetsier ayera na
El Tributo. Ted Koetsier
tata tabata un persona
bastante konosí den e
komunidat antiano. E
ta tata di e konosido
Dj Ted Koetsier ku a
muri den un aksidente
na 1987. Den oranan
di atardi tabatin e
momentu pa ekstendé
kondolensia. Den kaso
ku tin hende ku no a
logra bai El Tributo nan
por manda un mensahe
riba www.condoleance.
nl Theodorus Koetsier.

Kontinuashon di pag. 13
2016 MESTER

tabata propiedat di un
bario. Si mayornan di un
mucha no t’ei, kualke otro
bisiña ta yuda mantené e
mucha riba liña rekto, pues
tabatin e kontròl sosial.
Esaki ta nifiká ku den kaso
ku kualke persona straño
ku aparesé den e bario lo
ser vigilá. Fiestanan di
Santa Komunion tabata
evenementonan di bario.

Tin diferente hende den
komunidat ku awendia ta
profeshonalnan pará riba nan
pia. Hopi di nan a lanta sin
tata òf mama den kas, pero
e bario a sòru pa nan. Pues
ta bon pa nos biba di akuerdo
ku e balornan aki, pone
atenshon riba nan pa por
reskatá e lugá aki.Durante
muchu hopi aña nos a pone
énfasis riba aspektonan di
material, pensando ku ta sèn
ta solushoná tur problema.
Pero nos komunidat a ser
kolonisá dor di sèn miéntras
ku e aspekto di hende a bai
pèrdí. P’esei ta importante pa
e aña aki dediká atenshon na
e mucha, hende muhé i hende
grandi.