Page 11 - AM200729

Diaranson, 29 Juli 2020 AWEMainta 11

Camilo Bastidas cu concierto clasico

Music Exposure di Cas di Cultura a presenta e
weekend cu a pasa, un concierto cu a laga esnan

presente un biaha mas orguyoso di nos yiu nan ar-
tistico di tera.

Hunto cu su banda, e hoben saxofonista Camilo
Bastidas, a brinda su amigo y fans un ora y mey

di cancion nan clasico manera “careless whisper”,
“hoy tengo ganas de ti” (duo cu e super cantante

Kelsey Westerburger), “Sunday morning” y “besa-
me mucho” entre otro.

Un banda cu porcierto tawata di nivel halto!

Camilo tambe a conta su publico cu como hoben,
su mayornan a regal’e di sorpresa, un saxofon for

di Colombia y awe cu orguyo e por bisa cu el a ser
acepta na Conservatorium di Arnhem na Hulanda.

E cancion riba su saxofon cu el a ser acepta cu ne
den Conservatorium, tabata “Petit Fleur”.

Nos ta desea Camilo Bastidas tur exito di mundo
na Hulanda y nos ta convenci cu Aruba su futuro

musical ta sigura!
Diabierna 31 di juli 2020 ta concierto di Carlos Bis-

lip y banda cu ta priminti di bira fantastico.

Entrante 30 di juli, DTP ta ubica den

su localidad nobo na Italiëstraat # 20

Departamento Transporte Publico
(DTP) ta informa cu nan a muda y

entrante diahuebs 30 di juli 2020,

su oficina lo ta ubica den nan lo-

calidad nobo situa na Italiëstraat
# 20.

Nan number di telefon 582-4140

y nan e-mail: info@dtp.gov.aw ta
keda mescos. Nan orario pa publi-

co ta di 7:45 am pa 12:00 merdia y

di 1:00 pm pa 4:15 pm.

Diaranson despues di merdia ta
cera pa publico y diabierna ta cera

3:00 di atardi pa publico.