Page 14 - AWEMAINTA

14
Bishita di fraccion di MEP na diferente
scol relaciona cu Dia di Betico
AWEMainta Diabierna, 26 Januari 2018
UN dia prome cu Dia di Betico, esta diaran-
son ultimo, miembronan di fraccion di MEP
a haci un bishita na diferente scol na Aruba
y p’asina duna un presentacion na e alum-
nonan y splica nan riba e bida y lucha di nos
Libertador Betico Croes. Meta principal ta
pa tene e memoria di Betico Croes bibo cerca
nos hubentud.
Na e ocasion aki parlamentarionan Setty
Christiaans-Yarzagaray y Edgard Vrolijk
a bishita Colegio San Hose y Scol Caci-
que Macuarima. Shailiny Tromp-Lee, Endy
Croes y Hendrik Tevreden a bishita Cas di
mayornan di Betico y tambe Plaza Status
Aparte caminda nan a topa entre otro cu e
alumnonan di Caiquetio scol. Sue Ann Ras y
Ady Thijsen a honra e alumnonan di Colegio
Sagrado Curason cu nan bishita y Daphne
Lejuez a bishita Poeroenchi Kinderopvang.
Tambe a entrega banderin di Aruba y pren-
chi di Betico como recuerdo na e alumnon-
an. Nan tur a keda sumamente contento cu e
bishitanan aki y ta spera cu den futuro esaki
lo continua.