Page 66 - AHATA

Atardi mes, gerencia di aeropuerto Reina Beatrix mesora a confirma pa medio di un
memo na e partnernan cu nan a haya informacion cu un empleado di un di nan
usuarionan di aeropuerto a resulta positivo pa COVID-19.

E comunicado ta bisa cu AAA NV ta trahando den identifica tur e personanan cu tabata
tin contacto directo cu e empleado aki y cu tambe nan ta den contacto cu e ‘Employer’
pa asina tuma medidanan preventivo.

Esaki ta nifica cu AAA NV ta drenta den loke ta nan ta yama Scenario 2: COVID-19

Entre e medidanan cu Airport a tuma:

– Tur trahadornan di AAA di e grupo den risico a wordo manda cas per dirct.

– Cu e compania a tuma medidanan preventivo caba di ‘self-quarantine’.

– E lugar di trabao a wordo cera.

– Cu nan ta bezig hunto cu e compania identificando esnan cu tabata tin contacto cu e
trahador en cuestion.

– E area di trabao y becindario a wordo haci limpi diahuebs atardi mes pa 2:30 pm door
di un team di limpieza.

Mientrastanto, AAA NV ta sigura cu nan lo continua cu nan plan di accion como un
reaccion inmediato na cualkier situacion cu por presenta den e temponan aki di crisis
rond di Coronavirus.

Te cu aworaki, no ta conoci si esaki ta trata di e caso number 5 cu a wordo anuncia
door di DVG diahuebs mainta of ta trata di un di 6 caso. Locual si por a confirma ta cu
ta trata di un persona masculino.

DIARIO lo duna un update asina cu e informacion oficial bin dilanti den transcurso di
awetardi.

https://www.diario.aw/2020/03/caso-di-coronavirus-confirma-na-aeropuerto/