Page 77 - AHATA
P. 77
ORANJESTAD (AAN): Coronavirus ta sigui
ataca henter mundo. E pandemia ta sigui expande den tur direccion. Caribe y Centro
America a converti caba den un zona cu tambe a wordo afecta. Te cu Diahuebs merdia
12:30 pm, tin 363 caso den tur e dos zonanan aki, y Panama ta e pais cu ta esun mas
afecta.
Te cu Diahuebs merdia 12:30 pm, Panama ta conta caba cu 109 caso di Coronavirus, y
esey ta pone nan bira e pais na Centro America cu tin e cantidad mas grandi di hende
contamina, di cual uno ya a fayece.
Rond mundo, un total di 230.542 hende a wordo afecta, di cual 9.390 a perde nan bida.
E di dos pais mas afecta den e zonanan di Caribe y Centro America, ta Costa Rica. Pa
curiosidad, nan tabata e prome pais cu a registra un pashent cu e virus Covid-19 den
Centro America. Te cu Diahuebs merdia, nan tin 69 caso di persona contagia cu
Coronavirus.
E di tres pais mas afecta ta Republica Dominicana cu tin 34 caso positivo pa
Coronavirus, y cu ya caba 2 hende a perde nan bida.
E ultimo paisnan cu ainda no tin Coronavirus ta e.o. Bonaire, Saba, St. Eustatius,
Anguilla, St. Kitts & Nevis, Dominica, y tambe Grenada.
https://www.diario.aw/2020/03/esaki-ta-tur-e-casonan-di-coronavirus-den-caribe-y-centro-america/
