Page 73 - AHATA

Den esaki tambe tabata tin un problema. Con COVID-19 ta comporta su mes si e
drenta y si e keda? Mester a bay busca informacion cerca expertonan mundial y for di e
momento mundo a bira pio cu un comiquita di Tom y Jerry.

Expertonan naturalmente tabata tin problema pa splica mundo cu nan mes no ta
comprende nada. Unico informacion cu hende tabata haya ta, cu cantidad di hende a
bira malo, algun hende no a bira malo, tin hende cu a muri, pero tin hende cu no a
muri.

Cifranan tabata mas confuso y a bira manera un puzzel cu ningun hende por traha.

Un locura total. Mundo a bay traha riba un vacuna, cu lo drenta mundo na 2021, ora

hende mas a haya resistencia y e personanan cu no a logra haya resistencia, a bay
descansa.

Na prome momento a wordo bisa cu Paracetamol ta yuda. Ta resulta cu e ta yuda den

caso hopi leve. Den caso pisa ta hospital mester bay.

A duna speransa cu e remedi contra malaria lo yuda, pero ta parce cu e remedi por haci
hende mas malo cu hende ta, sigur den combinacion cu otro remedi cu ta sali for di

cashi pa mira si nan por yuda stop e coronavirus nobo.

Pa Aruba originalmente, e epidemia cu a bira pandemia, y cu a basha stock market
abou y por causa un recesion cu por bira un depresion, a bira un asunto pa hunga sabi

y bisa “asina mes” aunke no ta comprende nada. Con cu mira e asunto e hende normal
ta prefera su stock di makeup, su stock di biña y su stock di alegria.

Y ta hustamente e stock di alegria a topa cu desaster total. Awor hende ta bebe biña pa

lubida su angustia pa loke ta trata fin di luna ora e no ta sigur cu placa lo drenta su
saco of COVID-19 no a trata di bishita su persona.

Awe e lucha mas grandi di e Arubiano ta, ora tardecito e mester bay cas sin por sali

mas. E no por bay festival, ni sikiera pusta na Balashi pa pasa dor di vangrail di e brug.