Page 21 - 08Nov2022

DIAMARS 8 NOVEMBER 2022 DIARIO PAGINA 21
Cycling Awareness Ride a conta cu 400 participante

pa crea consenshi entre chauffeurnan

ORANJESTAD (AAN):
Diadomingo mainta un
“Cycling Awareness
Ride” organisa pa
Biking Squad Aruba
completamente diferente
a ser organiza pa core
rond di Aruba, y e biaha
aki yuda concientiza
comunidad riba un
problema grandi cu varios
manehador di brommer
y tambe ciclista ta topa
cune.
Di e forma aki, cu
un ‘Awareness Ride’,
e ciclistanan a hiba e
mensahe pa pueblo sa
cu tin di slow down den
trafico ora di mira un
bicicleta riba caya, y
doñonan di cacho cuminza
mantene nan mascota den
cura, pasobra a nota un
aumento den cantidad di
caso unda cachonan ta
bay ataca ciclistanan riba
caya. A bira tempo pa
pone un paro na esey.
E Bike Ride a sali for
di ex-Bushiri Beach
Resort, y nan a core rond
cu velocidad di 15 km/h
pa 17 km/h, y goza di e
ride di como 50 km largo.
E prome parada tabata
Iceberg na Savaneta.
E idea a lanta di Robert
Paesch di su team pa haci
awareness day pa auto y
doño di cacho conciente.
Hunto concientiza pueblo
cu tin di tene cautela
y coopera cu demas
manehadornan riba
motorcycle of bicicleta.
DIARIO a nota cu
Ministro di Deporte, Endy
Croes tambe a participa
den e Cycling Awareness
Ride aki.