Page 70 - AHATA

MINISTER DANGUI ODUBER:

TA BUSCANDO

ALTERNATIVANAN PA MANDA

PASHENTNAN EXTERIOR PA

HAYA CUIDO MEDICO

20 March, 2020, 4:21 pm
559

Gobierno di Aruba a duna un update riba e situacion di coronavirus na Aruba. Te cu e

momentonan aki tin 5 caso positivo, 133 test haci, 124 caso negativo y 381 persona den

cuarentena. Pa por contene e virus aki y p’e no sigui plama, Gobierno a bin cu medidanan

pa evita esaki. E virus aki ta trece hopi reto cun’e pa Gobierno. Un di e retonan ta pa

Salud Publico y AZV unda cu Gobierno di Colombia a cera e frontera.

Pa luna AZV ta manda 100 pa 150 pashent pa tratamento medico na Colombia, pero e

noticia aki tabata un sla duro. Minister di Turismo, Salubridad Publico y Deporte, Dangui

Oduber, a bisa cu nan a busca diferente alternativa y opcionnan. Riba e nivel di mas halto

a purba di convence Colombia riba e urgencia di necesidad pa por manda pashentnan y

nan haya e cuido medico cu mester di dje. Ta di lamenta cu esey no tabata posibel, pero a

keda busca opcionnan pa pashentnan cu mester di ayudo di cuido medico urgente.