Page 71 - AHATA

Na momento cu e partner Colombia a dal frontera cera, Aruba a acerca Merca. A papia cu

Secretario di Estado salud, aunke cu e mandatario a indica di a papia cu Merca 2 aña pasa

riba e posibilidad di manda pashentnan sea Miami of cualkier otro estado. AZV sa manda

pashent Miami den casonan cu Colombia no por trata nan. Tin un laso caba cu

2 hospital na Miami, pero a haci e peticion aki na Merca pa pashentnan cu no ta sali

positivo di coronavirus.

Despues di dianan di tension y suspenso, e Consulado Mericano na Corsou a informa cu

por manda pashent cu mester di cuido medico urgente pa Merca. Tin cu keda pendiente

cu Aruba ta dependiente riba e decision Mericano cu nan lo ta tumando den e proximo

dianan aki. E mandatario a sigui bisa cu si Presidente Trump dicidi cu nan tambe ta cera

frontera pa resto di mundo, e lo complica esaki. E mandatario kiermen cu nan ta den bon
comunicacion cu e Consulado Mericano na Corsou, kendenan a indica cu si esaki pasa

nan ta dispuesto pa sigui hiba e discusionnan di kico por brinda Aruba si esey pasa.

AZV ta sigui explora otro alternativanan cu no ta facil na e momentonan aki. Siguiendo e

desaroyonan tin indicacion cu Merca tambe ta bayendo den e mesun direccion cu
Colombia. Te cu e momentonan aki por manda e pashentnan di Aruba cu mester cuido

medico pa Miami. Ta gradici e gobierno Mericano pa yuda den e momento di crisis aki. E
ta bay keda un reto pa Aruba, pasobra Aruba ta un pais tin un “beperking” na capacidad y

p’esey ta manda un gran cantidad di pashent Colombia. Gobierno ta contento di por a

haya un solucion temporario pa un situacion cu a presenta. Scenarionan ta cambia cada

ora pa situacion mundial, cada rato ta haya otro scenario. Gobierno ta keda cu fe y

speransa di por brinda opcionnan na comunidad si acaso manda pashentnan afo.

AZV ta trahando duro pa yuda trece pashentnan cu ta na Colombia y tur pashentnan cu a

regresa a haya e goedkeuring di nan specialista. Cu AVIANCA a yega 20 pashent, pero a

haci uzo tambe di un charter dia 19 di Maart y aki a yega 45. Un biaha mas a duna