Page 6 - ARUBA BANK

10 AWEMainta Diaranson, 6 September 2017

Dialuna atardi

Chauffeur di Suzuki Swift ta alcansa

ciclista y ta lague seriamente herida

DIALUNA den oranan di atardi, ta sosode
un accidente hopi serio, na altura di e shelter pa
adicto den Colony. Mesora ta manda un patruya
di San Nicolas n’e sitio.
Na yegada nan ta bin compronde cu e chauffeur
di un auto Suzuki Swift a dal un ciclista, lagando
e seriamente herida.
Dr. Meelis kende pa casualidad tabata den
cercania, mesora a cuminsa trata e victima n’e
sitio, el a nota cu e victima a haya hopi sla na
cabes y el a pidi pa presencia di ambulance cu
hopi urgencia.
Na yegada personal di ambulance a prepara e
victima y Polis a habri caminda p’e ambulance
por a yega cu hopi urgencia pa hospital. E vic-
tima su situacion ta hopi critico y ta teme pa su
bida. Tabata ser evalua si lo mande pa Colombia
tambe, pero e decision final no ta conoci pa nos.

Departamento

Meteorologico

Aruba ta adverti

Meteo a emiti un alerta pa boto chikito cu lama
bruto ta na vigor... Un aviso pa boto chikito y
lama bruto lo drenta na vigor awe diaranzon
merdia 12’or...
Areanan afecta, ta principalmente e region di
costa nort, costa di Arashi y banda di e high rise
y low rise hotels.

Labadernan biniendo for di noordoost crea dor
di horcan Irma den region di Oceano Atlantico
ta yegando nos costanan y lo haci parti di nos
costanan relativamente bruto...Ta spera olanan
den parti noord di 6 pa 7 pia, localmente e por
yega 8 pia den labaderanan.
Den parti zuid di e isla olanan por oscila entre
3 pa 5 pia den labaderanan.

Accion de precaucion: Usadonan di lama ta
wordo avisa pa tene cautela cerca e area di
costanan menciona.