Page 44 - ARUBA BANK

inversionnan grandi den sector priva y publico cu ta suma casi Afl 1 biyon di florin como

impulso grandi.

“Inicio di e rehabilitacion di e refineria, obviamente ta trece mas actividad economico

rond di nos isla,” minister Arends a sigui splica. Nos ta wak den e prome kwartaal un

aumento substancial den importacion di metal y makinaria. “Segun un estudio di AIB a

proyecta cu pa 2017 e contribucion di e reapertura di CITGO na nos economia lo ta

alrededor di Afl. 280 miyon, esaki ta casi 6% di nos GDP.” Door di e inversionnan den

calidad di nos sector turistico, Aruba a sa di mehora su posicion competitivo y e prome

kwartaal di 2017 ta mustra cu no solamente e cantidad di bishitante a aumenta,

excluyendo e mercado Venezolano, pero e placa cu e turista ta gasta na Aruba tambe a

aumenta cu 3.5%, como tambe e entradanan pa cada camber disponibel a subi cu casi 7%.

Pa forma e fundeshi pa diversifica nos economia, Gabinete Mike Eman a ehecuta un plan

di inversion amplio riba tereno di infrastructura, areanan publico como tambe energia.

“De e resultadonan di e prome kwartaal di 2017 nos ta wak e efectonan di e iniciativanan

aki. Riba tereno energetico nos por corda cu e tarifanan di coriente a reduci cu 14% na

januari 2017 como resultado di e inversionnan den nos companianan di utilidad pa
mehora nan eficiencia, mas penetracion di fuentenan renobabel. “E maneho energetico cu

Gabinete Mike Eman a hiba durante ultimo añanan por wordo considera como

inversionnan den poder di compra di nos ciudadanonan como tambe un reduccion di e

gastonan di hasi negoshi,” Minister Arends a splica. “A logra reduci tambe e tasa di

inflacion y aña 2017 no ta un excepcion.”