Page 45 - ARUBA BANK
P. 45
Awe nos ta testigo di un waf di container ultramoderno na Barcadera; obranan
infrastructural di mas grandi cu nos a yega di conoce den e ultimo 30 añanan manera e
Green Corridor y Watty Vos Boulevard; un hospital state-of-the-art cu ta forma parti di
un economia di conocemento. “E efectonan economico di esakinan ta bisto caba den e
prome kwartaal di 2017,” minister Arends a confirma. “Ainda nos ta spera e
capitalisacion riba e oportunidadnan di actividadnan nobo den e areanan rond di nos
refineria cu awor nos por uza atrobe pa industrianan limpi, como tambe e area cla pa
wordo desaroya banda di e terminal di pasahero na e waf di Oranjestad.”
E titular di Asuntonan Economico a termina bisando cu economia ta hopi sensitivo pa
cambio drastico. Sinembargo e ta hopi satisfecho cu e resultadonan di e prome kwartaal
di su cargo como mandatario. “Gobierno mester t’ey pa facilita: e oportunidadnan nos
dilanti t’ey. Mi tin e pleno confianza cu lo logra e metanan economico y financiero pa
aña 2017 manera nos a anticipa,” segun Minister Arends.
