Page 21 - HOH
P. 21
Dr. Li Wenliang, un dokter Chines cu tawata un di e prome pa a alerta pa locual ta e coronavirus a fayece.
Dr Li Wenliang tawata specialista di wowo. E a contrata e virus na e cuidad di Wuhan y a fayece di dje
diahuebs atardi.
Durante e comienso di e virus, e dokter aki a haci tur cos posibel pa alerta e comunidad medico na China.
Esaki a hasta causa cu e a haye den problema cu husticia den December di 2019.
China ta un pais unda tin basta censura y control riba medianan, pues a acusa e dokter di ta haciendo
testimonio falso.
Esaki a sosode despues cu Dr. Li Wenliang a manda un alerta pa e existencia di e Coronavirus den un group
chat di expertonan medico.
Autoridadnan a baha pisa riba e dokter y a pone firma un documento bisando basicamente cu e no ta papiando
e berdad y cu ta solamente ‘redo’. Pues esaki tawata un intento pa censura e defunto.
E defunto a keda cu miedo di wordo deteni y perde su libertad pues strobando e di yuda pashent malo cu e
virus. E dokter a trata varios persona infecta cu e virus y den un manera o otro lo a contrata esaki.
Januari 10 e a cuminsa haya tosamento y dos dia despues e tawata malo cu keintura. Dianan a pasa y e tawata
tin dificultad pa hala rosea y pa por move su curpa. Awe por bisa cu e virus a resulta mortal pa Dr. Li
Wenliang.
.
https://arubanative.com/2020/02/06/e-prome-dokter-chines-cu-a-bati-alarma-pa-e-coronavirus-a-
fayece/
