Page 26 - HOH

Finance. E ta haci negoshi pa añanan largo cu Hospital haciendo trabou di limpiesa. Pues,

awor e mes ta na cabes y e mes ta un “vendor” director di Hospital. E hecho cu Gobierno

ta nombra un “director interino” den un fundacion independiente, ta un asunto

cuestionabel.

Tambe Ronnie van Trigt lo mester atende e reto di cambio di Hunta di Supervision.

Gobierno a pidi e miembronan pa nan tuma nan retiro y parce cu tur, sino mayoria, a

cumpli cu e peticion di Gobierno. Pero maneha un Hospital no ta facil, pasobra ta un
organisacion cu riba mil empleado, bou construccion, cu retonan di construccion

andando, retonan den cuido medico y asina por sigui menciona. No ta un asunto di kita

un hende awe y mañan su reemplasante por cuminsa…mester un traspaso apropia pa

evita stagnacion.

Awe mainta Ronnie van Trigt a haya un rondleiding cortico den Hospital y mañan mainta
lo cera conoci cu gerencia di Hospital. Ronald van Trigt ta bini di sector priva, como

doño di Total Cleaning, e tin amplio experiencia den maneho di companianan,

specialmente e parti di bedrijfsvoering. E tabata Presidente di ATIA y a fungi tambe den

diferente Hunta di Supervision na ATA, SVB y tambe AZV.