Page 12 - AWEMAINTA
P. 12
12 AWEMainta Diabierna, 5 Januari 2018
Homber di edad
canando madruga
su so riba caya
DIAHUEBS marduga polis a bay altura di
Ostrich Farm, pa un cabayero di edad ariba
caminda.
Na yegada polisnan a topa cu un meneer di
edad, lora den serbete.
Hunto cune e tawata tin un martiu y un
cuchiu. Polis por a conclui cu e meneer aki lo
por ta sufri di verkalking (dementia).
Segun e meneer, e lo a sinti hende den su
cas y a spierta y bay pafo. Pa motibo di no
kier wordo atraca, el a sali cana bay nort y a
pasa man pa un martiu y cuchiu pa proteha
su mes. Polis a kita e obhetonan y a hibe su
cas bek.
Accidente sin
herido na Ponton
DIAHUEBS mainta polis a bay Ponton pa
un auto cu a drenta cura di cas.
Polis na su yegada a topa cu un Kia Carens
color cora, contra un cura di cas kibra.
Segun nos a compronde e dama na stuur
bayendo zuid, a haye ta desvia pa un auto cu
sali su dilanti, esaki a causa cu e lo a perde
control baha caminda bay dal e cura di cas.
No tawata tin hende herida.
