Page 4 - HOH

14 SALUD AWEMainta
Adiccion na validacion ta dañando nos salud mental?
DEN e mundo digital di awe, un curason cora chikito of
un ‘like’ por sinti como algo grandi. Cu cada post, storia,
of selfie, hende hopi biaha ta warda riba e ‘shot’ di dopa-
mina di un like of comentario. Pero tras di e scroll inofen-
sivo ta sconde un preocupacion creciente pa salud mental:
Adiccion na validacion.
Adiccion na validacion ta e custumber di busca aprobacion
di otronan constantemente, specialmente online. Aunke tur
hende ta gusta sinti nan mes aprecia, e problema ta cuminsa
ora balor propio ta keda mara na reaccion di pafo. Pa hopi
hende, specialmente adolescentenan y adultonan jong, plat-
aformanan di red social a converti ‘like’, ‘view’, y comentario
den un moneda emocional—y e necesidad pa aprobacion
nunca ta stop di crece.
Dicon e ta sinti asina bon
E celebro ta reacciona na feedback di rednan social den un
manera similar na otro formanan di recompensa. Ora un
hende haya un ‘like’, e ta activa un liberacion di dopamina—
e kimico cu ta haci bo sinti bon—similar na come algo dushi
of gana un premio chikito. Cu tempo, esaki por forma un
ciclo: post algo, haya ‘like’, sinti bo bon... anto anhela e sinti-
mento ey atrobe.
Pero contrario na complimentnan den persona of logronan
den bida real, validacion digital ta lihe, superficial, y hopi
biaha impredecibel. Esey ta loke ta haci’e adictivo—y agot-
ador mentalmente.
E costo mental scondi
Ora hende depende di ‘like’ pa sinti nan balora, nan sentido
di balor propio ta bira fragil. Si un post no ricibi mucho aten-
cion, e por hiba na sintimentonan di fayo, rechaso, of falta di
balor. Esaki ta specialmente peligroso pa mentenan jong cu
ainda ta desaroyando nan identidad y autoestima.
Estudionan a mustra cu hendenan cu ta uza rednan social
intensamente y ta busca feedback frecuentemente tin mas
chens di experiencia ansiedad, depresion, y poco confiansa
den nan mes. Nan por compara nan mes constantemente cu
otronan, pensa dimas kico pa post, of kita contenido cu no
ta haya “suficiente” atencion.
Cu tempo, esaki ta crea un ciclo di perfeccionismo y
Diaranson, 15 October 2025
presion, unda cada potret of opinion comparti mester ser
traha cuidadosamente pa haya ‘like’—no pa honestidad of
conexion.
Presion social disfrasa
Adiccion na validacion tambe ta alimenta miedo di keda afo
(FOMO) y comparacion online. Ora un hende mira amigonan
ta haya mas atencion of tin un bida “miho,” e por lanta
jaloezie, tristesa, of un sintimento di no ta suficiente bon.
Rednan social ta bira un escenario—y tur hende ta sinti cu
nan mester actua.
Algun hende tambe ta cambia nan comportacion, opinion,
of apariencia djis pa pas den e mundo online. Den casonan
extremo, e necesidad aki pa aprobacion por hiba na compor-
tacion riesgoso, comparti dimas informacion, of hasta prob-
lemanan cu nan imagen corporal.
Kibra e ciclo
E bon noticia? Consciencia ta e prome paso pa cambio.
Realisa ora bo ta post djis pa haya ‘like’—of sinti bo malo pa
motibo di poco interaccion—ta un señal cu ta ora pa para
keto.
Expertonan ta sugeri pa tuma pauze for di rednan social,
paga e conteo di ‘like’, of pasa mas tempo conectando cu
hende den bida real. Practica auto-validacion—manera
celebra bo propio logronan of disfruta di un hobby—tambe
por yuda reconstrui confiansa for di paden.
Terapia of conseho profesional por ta util tambe, special-
mente p’esnan cu ta lucha cu ansiedad of autoestima mara
na feedback online.