Page 18 - AWEMAINTA

18 AWEMainta Diamars, 29 Mei 2018

Den eleccion na Aruba

Colombianonan a duna Ivan Duque gana

DI e mas o menos 5 mil Colombiano, cu a registra
na Aruba pa participa na eleccion presidencial,
2366 a vota y den su mayoria pa Ivan Duque.
Na Aruba mescos cu na otro paisnan, for di
dialuna, e Colombiano tabatin oportunidad di
vota.
Na Aruba Ivan Duque a haya 1651 voto, sigui
pa Sergio Fajardo cu 390 y Gustavo Petro a haya
234 voto.

Esaki nifica cu mester un di dos buelta, cu lo
tuma lugar dia 17 di juni awor. Esaki lo bay entre
e dos candidatonan cu mas voto a haya. Nan ta
Ivan Duque y Gustavo Petro. Si tuma resultado
na Aruba, anto e di dos buelta lo mester ta entre
Ivan Duque y Sergio Fajardo, pero esey lo no t’e
caso.

Mester bisa cu pa prome biaha cu pueblo
Colombiano a sali y vota pa nan respectivo
candidato. Awor Ivan Duque y Gustavo
Petro, tin 3 siman pa haya e votonan di e otro
candidatonan cu lo no participa na di dos buelta.
Analisando e resultado na Aruba, un biaha mas,
e Colombianonan lo vota pa Ivan Duque, maske
cu dia 17 awor ta Dia di Tata y riba dje un dia di
futbol mundial.