Page 32 - AM 23 SEPT,2015

32 AWEMainta Diaranson, 23 September 2015

Chris Romero di MEP: DIADOMINGO 27 di augustus 2015 tin e Congreso di partido

Evelyn Wever- MEP, caminda cu sra. Evelyn Wever-Croes lo wordo aclama como
Croes t’e persona Lider di partido.
adecua pa lidera E decision aki ta uno cu nos tur como candidato, pero tambe
MEP y Pais Aruba lidernan di bario y directiva di partido MEP ta para su tras, segun
Chris Romero.
MEP ta un partido democratico y semper a cana e proceso
democratico aki. N›e momentonan aki nos pais tin mester di un
lider cu tin e conocemento, e capacidad y e amor p›e pueblo di
Aruba, p’asina pone e hende central un bes mas.
Sra Evelyn Wever-Croes sigur tin tur e conocemento y experiencia
necesario rib›e tereno financiero y fiscal, p’asina resolve e
problemanan financiero actual di nos pais.
E ta un persona corecto, integro, pero tambe a demostra cu e tin
oido p›esnan mas vulnerabel den nos comunidad.

Chris Romero ta bisa cu na 2009 mi tawata tin e placer di a conoce
Evelyn Wever-Croes na momento cu el’a subi lista, y awor pa mi
ta un placer di por traha cune casi tur dia pa mas cu dos aña caba.
E ta un persona hopi liher den pensamento y un persona cu ta traha
hopi duro pa hiba su pais y su partido dilanti.
Ser Llider di MEP no ta nada facil pasobra nos tin votadornan hopi
critico, sea cu nos ta den Gobierno of oposicion. Esey ta pone cu
pa ta lider di MEP ta un reto hopi grandi y bo mester tin e curashi
y determinacion pa wanta tur e criticanan cu bo ta haya como
Lider di MEP.
E ideologia di nos partido ta social democrata y nos ideologia di tin
e hende central ta lo mas importante den liderazgo di nos partido.
Sra. Evelyn Wever-Croes ta un dama fuerte y sigur tin e hende
central den su vision como lider. Mi ta convenci cu nos lider lo lidera
nos partido manera debe ser, y lo hiba nos partido na un victoria
n’e proximo eleccion. Sra. Evelyn Wever-Croes a demostra cu e tin
e amor pa su trabou, y e determinacion pa cambia e rumbo di nos
pais pa uno positivo.
Mi persona ta sostene sra. Evelyn Wever-Croes como lider di partido
MEP y p’asina e guia nos como e partido ganador den e proximo
eleccion. A yega e ora pa Solo Sali pa un y tur rib’e pida baranca
aki, ta e conclusion di Chris Romero.