Page 37 - AM 23 SEPT,2015

AWEMainta Diaranson, 23 September 2015 37

Automobilistanan
custumbrando cu e
restructuracion di
stacionamento den
centro di ciudad

DESPUES di 2 siman di operacion por mira cu mas y mas

di nos automobilista ta custumbrando cu e sistema nobo di
parkeermeters y haciendo mihor uzo di e parkeervaknan.
Actualmente por a nota con tur caminda e parkeervaknan
ta cuminsa yena, caminda clientenan por yega y parkeer
dilanti negoshinan pa baha y haci nan compras. Den fin
di siman tras di lomba, tabatin masha hopi comentario
positivo di e clientenan cu awor por bishita nos centro di
ciudad y haya lugar di parkeo, hopi serca di caminda nan
mester a bay haci nan compras.

Esaki ta ilustra cu e organisacion di stacionamento den
centro di ciudad ta un realidad, pasobra tur caminda por
mira menos auto mal staciona. Autonan staciona riba
aseranan, den crusada y tambe n’e sitionan cu no tin
parkeervak marca, tanto blanco of geel, a cuminsa pasa
pa pasado. Por sinti un alivio ora ta core den centro di
ciudad y ora di bishita tienda hayando un lugar di parkeer
facilmente y liher.

“Nos a combersa cu nos clientenan cu ta haciendo uzo di
e parkeermeters y ta di opinion cu enrealidad e ta facil pa
custumbra cu e mashinnan aki. Poco poco e ta birando
un placer pa yega y staciona bo vehiculo facilmente.
Mirando cu siman pasa ainda a anuncia algun ahustacion
di tarifa, caminda a duna un reduccion di 20% p’e parkeer
vergunning houdernan. Tambe a introduci e tarifa di 1
florin pa mei ora y 2 florin pa 90 minuut, cual ta haci uzo
di e servicionan di Aruparking mas atractivo .

E trahadornan den centro di ciudad awor por haya nan
lugar di staciona mainta mesora y no mester core rond
busca lugar pa basta rato y sin por haya, cu consecuencia
cu ta gasta hopi tempo extra y tambe gasolin.
Merdia tambe mirando cu hopi mester sali bay busca
yiunan na scol awor por bay trankilamente y ora di yega
nan tin nan lugar automaticamente ta warda riba nan
pa staciona sin ningun problema y awor pagando menos
mensualmente. Esaki ta algun di e cosnan cu ta cay den
masha bon tera serca e trahadornan caminda diferente di
nan a duna comentarionan masha positivo na Aruparking.

Aruparking ta sigui haci tur cos posibel pa regula e
stacionamento den centro di ciudad y si ainda un hende
falta su parkeer vergunning e por pasa libremente na nos
oficina na Wilhelminastraat 13 of yama nos na 520-2323,
tambe por bishita y like nos facebook page facebook.com/
Aruparking y asina keda na altura di tur informacion cu
nos tin pa ofrece na nos cliente nan.