Page 51 - MIN.VOS MARCH 6,2015

Dr. Romeo Kock: “Mi ta sinti bon” NO kiermen cu bo ta
bon di salud

· Mar 6th, 2015
· Local

Den cuadro di Siman di Riñon, a acerca dr. Romeo Kock pa un “update” tocante e situacion rond
di cuido di riñon y dialyse na Aruba. E specialista, kende ta un internista nefrologo, trahando cu
Dr. Horacio E. Oduber Hospitaal for di aña 2003, ta encabesa e team di e Departamento di
Dialyse.Aña tras aña e ta mira con e cantidad di pashent di dialyse ta subi y ta constata cu e
motibo ta hopi biaha e resultado di un malesa cronico manera diabetes (sucu) of presion halto cu
no a wordo bon controla. Tin hasta pashentnan cu no tabata sa mes cu nan tin diabetes of presion
halto pasobra ta enfermedad cu no ta duna sintomanan cu un impacto hopi grandi, pero si nan ta
causa daño na diferente organo den e curpa.“Mi ta sinti bon” NO kiermen cu bo ta den un bon
estado di salud, dr. Kock ta subraya. Diabetes y presion halto ta enfermedadnan traicionero y un
persona por cana rond pa hopi tempo cu sucu y/of presion halto cu no ta bon regula y entretanto
ta afectando su riñon, curason, circulacion, wowo y otro organonan.Ta di sumo importancia pa
pashentnan diabetico y pashentnan cu presion halto haci nan testnan na tempo, mantene un bon
control over di nan malesa, tene nan “numbernan” bao control! E testnan no ta nada dificil y no
ta tuma hopi tempo. Ta testnan simpel – check presion, control di funcion di nier via di test di
sanger y orina y testnan simpel di “sucu”, haci pa medio di e dokter di cas y ta cubri pa
seguro.Dr. Kock ta splica cu den transcurso di aña pasa a wak un crecemento menos grandi, pero
si tabatin crecemento den e cantidad di pashent cu ta tuma dialyse. E total di pashent, entre
Hospital (84 pashent di hemodialyse y 24 pashent di peritoneale dialyse) y Instituto Medico San
Nicolas (entre 45 pa 49 pashent di hemodialyse) ta hopi grandi pa un isla manera Aruba, e ta
subraya.Mayoria di e pashentnan tumando dialyse ta hendenan di edad mayor, aunke tambe tin
algun pashent entre 20 y 30 aña. Tin excepcion – den casonan cu ta persona cu a nace cu un of
otro enfermedad of tin Diabetes Tipo 1 , pero e cantidad mas grandi di e pashentnan di dialyse ta
personanan diabetico of personanan cu ta sufri di presion halto. Tambe tin pashentnan cu tin tur
dos enfermedad cronico.E nefrologo (specialista di nier) ta splica cu na momento cu un persona
su funcion di nier ta baha asina hopi cu e ta bira peligroso, e pashent ta wordo poni riba dialyse.
Dr. Kock ta urgi pashentnan pa no spanta ora nan tende e palabra “dialyse”, pasobra mas bien e
ta un tratamento cu ta yuda nan biba miho y biba mas largo cu un miho calidad di bida.Ta pasa
hopi cu e pashent ta spanta pasobra e ta tende storianan di un famia, un amigo, un conoci cu hopi
biaha por duna e impresion cu e pashent cu ta cuminsa cu dialyse ta muri, pero mas bien ta lo
contrario y pa medio di tratamento di dialyse ta yuda e pashent biba.
No laga miedo ta bo guia pa tuma un decision iracional. Dr. Kock ta encurasha pashentnan cu tin
cualkier duda pa papia cu nan dokter di cas of si nan a wordo manda caba pa bishita e