Page 52 - MIN.VOS MARCH 6,2015

Departamento di Dialyse, pa nan por fabor haci esaki tambe y no warda of perde tempo pero bin
pa un consulta y un combersacion pa nan haya e guia y tratamento adecua.Si e pashent no
cuminsa cu su tratamento na tempo, su caso ta bira mas y mas complica, e riñon por stop di
funciona por completo y e pashent por fayece prome cu e haya e ayudo necesario, Dr. Kock ta
bisa enfaticamente. Tin caso di pashentnan cu tin un tempo riba dialyse y no ta fayece di e
enfermedad di riñon. Tin caso di pashentnan cu tin un tempo riba dialyse y no ta fayece di e
enfermedad di riñon, pero otro complicacion of condicion manera infeccion of malesa di
curason, e ta añadi.Ta keda dificil pa splica un persona con pa biba cu un enfermedad cronico cu
no ta duna mucho simptoma, per ta hopi importante pa e tin bon control di su estado di salud.
Den e caso di diabetes, tin pashent ta experencia molester manera e necesidad pa orina hopi,
bahamento di peso y asina sa pasa cu nan ta keda mas consciente di nan control, pero esaki no ta
e caso tur ora.Dr. Kock ta agrega cu a wak tambe cu mayoria pashent ta hende mayor di edad,
como cu e enfermedad cronico ta tuma su tempo pa avansa, pero aki tambe tin excepcion y cerca
algun hende e efectonan ta aparece mas lihe cu cerca otro persona.E ta comenta cu por ehempel
pashentnan cu Diabetes Tipo 1, unda e enfermedad ta manifesta na un edad mas hoben, hopi
biaha ora nan ta mucha caba, por wak pashentnan cu mester dialyse ya na un edad
hoben.Enfermedad di riñon no ta curabel, pero ta wordo trata. Na Aruba ta check si e pashent ta
bin na remarca kizas pa un transplante y en realidad un transplante ta un miho opcion cu dialyse
pa resto di su bida, pero desafortunadamente no ta tur pashent ta un pashent pa transplante.Ta
esencial pa e pashent ta activo den su cuido, pa e controla su sucu y presion halto y ta na tempo
pa evita daño na su organonan y si acaso e mester haci dialyse, e tuma su tratamento nan tambe
na ora y manera prescribi pa su specialista pa un bisa mas largo y di miho calidad.

http://masnoticia.com/dr-romeo-kock-mi-ta-sinti-bon-no-kiermen-cu-bo-ta-bon-di-salud/