Page 37 - AWEMAINTA

Diahuebs, 24 Mei 2018 AWEMainta
Corsou
5 Detencion pa intento di ladronisia
WILLEMSTAD - Diárazon 23 di mei 2018, alrededor di
03.15 or di madrugá, Central di Polis a ricibí notificacion di
un caso di intento di ladronisia/kiebro cu ta tuma lugá na un
ATM-machin pegá cu un kantor di number riba Caminda
Hensley Meulens.
Mas informacion cu Sentral a ricibí, cu lo ta trata di 4 hòm-
ber bistí tur na preto. Diferente unidad policial a bay n’e
sitio mencioná.
E promé unidad cu a presentá n’e sitio a tuma nota cu tin
algun waya cu slang di gas pegá n’e ATM-machine. Un otro
unidad cu tabata asercando e sitio mencioná a nota cu e
sospechosonan tabata drentando den un auto.
Na momento cu nan a mira e unidad policial nan a core bay
for di e sitio lagando un di e sospechosonan abou.
E sospechoso aki a purba huy bay na pia den su huida el
a bin topa cu un otro unidad policial cu a start cu un per-
siguicion su tras drentando un mondi patras di e mini mar-
ket.
E agentenan a haci uso di nan arma reglamentario pa por a
detené e sospechoso aki. Siguiendo cu e búsqueda cu mas
unidad cu a yega n’e sitio den e área, nan a logra detené 4
sospechoso mas, tur bistí na preto. Ta trata di e 5 hòmber-
nan sospechoso: D.M.D.K. di 35 aña di edad; R.J.R. di
31 aña di edad; R.D. di 21 aña di edad; Sh.A.N.C. di
30 aña di edad y R.A.I. di 48 aña di edad, tur nacé na
Còrsou.
N’e sitio Polis a confiscá, dos boter di gas, un slang, un ver-
lengsnoer y e auto cu nan tabata manehá. A presentá e so-
spechosonan dilanti un Fiscal auxiliar kende a ordená nan
encarcelamento pendiente di mas investigacion.
37
Presupuesto di Korte
di Hustisia Komun tin
buraku di 1.5 mion
WILLEMSTAD - E presupuesto di Korte di Hustisia Ko-
mun riba aña 2017 tin un buraku di 1.5 mion florin ku ta
konsekuensia di gastunan imprevisto i invershonnan ku no
tabata forma parti dje pakete di ‘kostprijs’ pero sí tabata
nesesario pa trabou por a sigi.
Un dje gastunan aki tabata pa introdusi mas digitalisashon i
outomatisashon pa por baha gastu a largo plaso.
Aña pasá Korte di Hustisia Komun a tene destaho pa kon-
tratá un ofisina di akountent pasobra pa regla nan ta kambia
akountent kada 5 aña.
E akountent nobo ta Ernst & Young kendenan a kontrolá e
relato finansiero anual.
E relato anual di Korte di Hustisia ta splika ku nan tabata
familiar ku mayoria dje opservashonnan di Ernst & Young
pero ku ta refreskante pa kambia di akountent.
E ta mantené nan atento i ta ofresé mas garantia ku ta hasi
uso korekto di e plaka i material di Korte di Hustisia i ku
finalmente ta e pais nan tin ku paga.
E relato finansiero anual ta nèchi na tempu (kontrali na
mayoria di órgano i empresanan di estado: red).
E ‘empresa’ Korte di Hustisia no a break-even pero e resul-
tado ta 1.5 mion pèrdida.
Esaki no ta sorprendente pa outornan dje relato anual pa-
sobra ta grandemente komo konsekuensia di invershonnan
nesesario pa outomatisá mas tantu ainda.
Ademas a krea un fondo pa kubri kasonan di personal ku
bira malu pa largu tempu mientras ku no por a tene kuenta
ku orkan Irma lo a kousa asina tantu daño material na Korte
na Islariba.
Di otro banda kaha di Korte di Hustisia tabatin fondo pa
kubri e pèrdida aki.
Korte di Hustisia tin un Konseho di Maneho ku ta kon-
sisti di Hans Janssen, na nomber di Ulanda, Grace Maduro,
na nomber di Aruba, Kelvin Bloyden, na nomber di Sint
Maarten i mr. Franklin Hanze en representashon di Korsou.