Page 21 - min.soc 19nov,2015

AWEMainta Diahuebs, 19 November 2015 13

Proyecto Ban Traha “CU E maneho nobo di re-integra hendenan den
ta sigui cosecha
exito onderstand bek riba e mercado laboral a logra un
reduccion di 339 persona for di e lista di Bijstand.
Esaki ta un reduccion di mas di 3 miyon florin riba e
presupuesto di bijstand, esta Materiele Hulp.
Mayoria di e personanan aki tin un trabou awendia.
Y lo mi sigi haci e esfuerso aki”, Minister Paul Croes a
anuncia recientemente.

Na januari 2014 tabatin 2910 famia inscribi riba e lista
di onderstand. November 2015 e cantidad a yega 2571
persona riba e lista. 339 persona menos ta nifica cu e
control a mehora contra esnan cu tabata traha y cobra
bijstand na un forma ilegal.
Tambe esaki ta nifica cu enbes di haya e 475 florin of e
600 florin pa luna, awendia e famia aki por conta cu un
entrada alrededor di 1900 pa 2500 florin.

“Na momento cu mi a asumi e responsabilidad aki,
mi a haci esaki un prioridad. Motiva mas tanto hende
posibel cu por traha, pa traha. Cu e proyecto aki, cu ta
un cooperacion entre Departamento di Asunto Social y
Departamento di Progreso Laboral (DPL) nos ta mirando
cu esaki ta logrando su frutonan.
Nos ta apoyando nos Arubianonan bek na trabou”,
Minister di Trabao y Asunto Social a mustra. Pa bo bin
na remarke pa un Onderstand bo mester tin paspoort
Hulandes. Esaki ta nifica cu tur esnan cu haya trabou
pa medio di Ban Traha ta Arubiano.