Page 12 - RESPALDO

Gobierno a activa Ley di Calamidad

November 28, 2019
0
SHARE

Facebook

Twitter

- Advertisement -

ORANJESTAD (AAN): E situacion di crisis na Hospital keto bay ta igual, y pa tal motibo

riba Diaranson anochi Gobierno a activa Ley di Calamidad. Gobernador Boekhoudt a
firma e Landsbesluit aki, y a haci esaki riba recomendacion di Departamento di
Rampenbestrijding pa evita e situacion escala.

Ley di Calamidad ta habri caminda pa suministra sosten, autorizacion, y caminda pa
Departamentonan por haci loke ta necesario pa evita cu situacion empeora, y garantiza
salud di hendenan tanto paden y pafo di Hospital.

Alrededor di 11’or di anochi, a tene un conferencia di prensa pa anuncia esaki. Aunke
Ministro no a bisa nada di esaki, DIARIO ta pensa cu kizas e activacion di Ley di
Calamidad aki lo por yuda pa Aruba kizas paga e hacker cu a causa e atake cibernetico

aki cu un “ransomware” cu a blokea tur documento, imagen, y detaye di pacient y
operacion di Hospital.

Ministro Presidente interino Otmar Oduber a mustra cu e trabao a start segun protocol
di e ley, pa asina atende e Crisis di Hospital. E hecho cu ainda riba Diaranson ta

tratando e asunto aki, nifica cu e hacking di siman pasa Dialuna madruga ainda no a
wordo resolvi.

Den siguiente 72 oranan lo analiza y activa na forma legal diferente plan pa cu e crisis,
y e plan di emergencia pa Hospital pa evita escalamento di e atake
cibernetico. Decision tuma pa e Ley di Calamidad, ta pa salvaguardia e interes general