Page 68 - MIN VOS 13 OCT 2015

Gerencia di SVGA no ta cumpli cu e CAO cu

su trahadornan

on: October 13, 2015In: LocalNo Comments
Print Email

Diamars mainta sindicato FTA mester a saca su miembronan di SVGA cu ta e scol pa mucha y
hendenan special pa bay den un accion mirando cu gerencia no ta cumpli cu e CAO manera tin
firma pa 3 aña. A papia cu presidente di e sindicato, Hubert Dirksz kende a splica cu e accion aki
tabata uno di dos ora.
Diamars mainta e trahadornan, pa 7’or y mey a dicidi di no bay traha, ta bay den protesta pasobra
e compania no ta cumpliendo cu e contracto colectivo. E contracto colectivo ta bisa cu e
trahadornan cu cumpli 25 y 30 aña di servicio, ta haya un gratificacion pa e añanan di servicio cu
nan a cumpli. Pa hopi aña tabata ti situacionnan dificil pa cumpli cu esaki, pero tabata cumpli,
pero e aña aki e fundacion of e directie di e fundacion a bisa cu e no por cumpli cun’e.
FTA a reuni cu directiva pa mas cu un ocasion y a reuni tambe cu gobierno, pasobra e
fundacionnan aki ta wordo subsidia pa gobierno y gobierno di su banda a bisa cu si, el a pasa e
placa pa e fundacion, mientras cu fundacion ta bisa cu no, cu e no a ricibi pago.
Di parti di e fundacion, tin un caso contra gobierno, cu lo tuma lugar diaranson, dia 14 di
October. Di parti di FTA, si compania cumpli cu esaki, e problema aki a termina, pero si no
cumpli, dos cos por pasa. Por extende e accion of ta bay corte. A palabra cu abogadonan di FTA
caba y e chens ta hopi grandi cu ta bay corte pa pone exigencia mas grandi di parti di hues e ora
pa laga e fundacion cumpli cu e trahadornan, cumpli cu e CAO cu ta algo legal.
Una bes cu tin un CAO y no ta cumpli cun’e, tin un conflicto laboral.
Gobierno lo por corta den subsidio, pero no por viola un CAO. Si un CAO ta ley, e placa mester
ta eynan. Awor por cort’e, pero e responsabilidad ta keda na prome lugar di e fundacion pa
cumpli cu e trahadornan y na di dos lugar e gobierno mester pone placa disponibel. Sa cu e placa
no ta bin solamente di gobierno. Tin sponsor, otro fondonan cu ta yuda den e caso aki, cual ta di
aplaudi, pero pa e otro banda si e trahadornan tin un CAO y no por cumpli cun’e ta algo hopi
serio segun Dirksz.
Den e CAO ta para cu pa momento cu e trahador cumpli un x cantidad di aña, e ta haya un
gratificacion pa e cantidad di añanan cu e tin ta trahando. Esaki ta un trabao hopi duro, un trabao