Page 69 - MIN VOS 13 OCT 2015

di vocacion pa por haci esaki y mester balora e trahadornan aki tambe debidamente y cumpli cu e
CAO, Dirksz a enfatisa.
A puntra Dirksz, mirando cu SVGA no ta hayando fondo di gobierno, esaki por a hunga un rol
cu e 10 trahadornan no ta hayando nan placa segun e CAO firma.
Gerencia ta bisa cu e kier cumpli, pero e no por cumpli. FTA ta lamenta esaki pasobra e CAOnan
ta mayoria di tres aña di validez y tres aña delanta caba sa cuanto placa mester tin disponibel pa
por cumpli cu esaki pa e articulo di gratificacion y esey ta un iresponsabilidad di parti di directie
tambe pa no tin e placa disponibel.
Pa a lanta un caso contra gobierno, ta un bon paso di parti di gerencia. Gobierno actualmente ta
den renobacion di e subsidie stelsel pa hisa e calidad di e fundacionnan, alabes baha gasto di e
fundacionnan, pasobra gobierno, manera cu tin di compronde, tur hende sa cu no tin fondo y ta
desea di reduci gasto tur caminda. Pero e parti social ta den opinion di FTA, ta e ultimo cu por
corta pasobra esaki ta hopi necesario. Mesun cos tin pa e muchanan special, tin pa ancianonan,
tin pa adictonan, trahador tambe, tur trahador di fundacionnan aki mester wordo balora, pasobra
ta trabaonan di hopi balor pa e comunidad
Ta calcula aki cu tin 30 trahador cu ta den un paro. Mas of menos 10 persona tin cu ricibi
gratificacion.
E 10 trahadornan aki a ricibi sosten di nan otro coleganan. E fundacion ta plat por bisa. E accion
mes a tuma lugar na Bibito Pin, pero tin diferente cas cu ta duna e servicio aki na hendenan
special. E decision tabata pa no laga e bus Sali busca e clientenan na cas, pasobra ta iresponsabel
si trahadornan no t’ey. Manera cu e accion aki a caba, e ora ey e trahadornan ta subi bek trabao y
e ora e busnan a busca e clientenan sin problema, segun Dirksz.

http://masnoticia.com/gerencia-di-svga-no-ta-cumpli-cu-e-cao-cu-su-trahadornan/