Page 15 - WEB

Diaranson, 18 Juli 2018 AWEMainta 7

Minister Rudy Lampe no sa kico AVP kier logra cu

peticion di un reunion di Parlamento

FRACCION di AVP ta preocupa cu algun

desaroyo, e.o. pa cu e maneho cu Minister Rudy
Lampe ta hibando, cu ta motibo cu el a duna un
aclaracion.
AVP no ta corecto pa pensa, cu tin violacion
di mocionnan aproba den Parlamento, pa cu
independisacion di DPS. Nada di esaki ta
berdad.

“E move di AVP, ta responde solamente na un
move politico di partido AVP, partidista, pero e
no tin nada di haci cu e muchanan nan interes
of interes di enseñanza of interes di Aruba”.

E integracion di Middag y Avond MAVO,
sigur no ta impugna cu e mocion aproba den
Parlamento. E mocion aproba tin otro motivacion
su tras. Manera ta conoci, e accion di firma di

docentenan di DPS, ta bisa di no kier bay den
un otro fundacion di Openbare Onderwijs.
Aki ta trata di docentenan cu ta keda duna les
na Middag y Avond MAVO, haciendo un trabao
extra. Y nan ta wordo paga p’e “losse uren”,
dunando les.

Segun Minister Rudy Lampe, e docentenan aki
no ta forma parti di un otro fundacion. Nan
tin nan trabao caba y den nan ora liber ta duna
les. Y esaki no ta afecta nan posicion como
docente. Si tin hende cu ta traha n’e bureau (5
hende), kendenan no ta dunando les. Nan tin e
proposicion di ta na disposicion di SAA of si ta
desea, nan por haya otro posicion na DPS. Of
despues di un aña, nan por scoge e rumbo cu ta

mihor pa nan.

Pa loke t’e dos adjunt directornan, nan tin nan
trabao, di cual un di nan ta keda cu su posicion
cu e tin y e otro lo amplia su oranan di trabao,
manera e mes a indica. Y nan tin nan full-time
job. Pesey e move di fraccion di AVP ta mustra

interes partidista, ya cu no tin violacion di
ningun mocion, Rudy Lampe a reitera.

E propio Marlon Sneek y Jennifer Arends Reyes,
ambos ta trahando pa dos stichting y no tin nada
irregular pa cu esaki, unda cada uno a scoge pa
keda traha cu nan fundacion.
Ta bon p’awe inscirbi esnan cu kier cuminsa cu
sea Middag of Avond MAVO y asina brinda tur

esnan cu kier sigui studia. Si Rudy Lampe mester
admiti cu a surgi un cambio administrativo, sigur
e forma di pago, cu a keda coregi.