Page 24 - AHATA
P. 24
Aruba Tourism Authority a celebra 100
aña di existencia di Avianca
Posted on 12/11/2019 10:17 am AST | Updated on 12/11/2019 10:18 am AST
ORANJESTAD – Dia 5 di december ultimo e compania di aerolinea AVIANCA a
celebra mundialmente nan 100 aña di existencia cual por cierto por wordo admira e aña
aki entre otro cu un avion retro cu ta bula for di Colombia pa varios destinacion
globalmente. Na Aruba, den presencia di invitadonan, esaki a wordo celebra diamars dia
10 di december. Prome Minister Evelyna Wever-Croes a habri e evento cu palabranan di
elogio pa AVIANCA, como tambe Pammela Flores - Regional Sales Coordinator di
Avianca Centro America y Caribe y Joost Meijs - CEO di Aruba Airport Authority.
Ronella Tjin Asjoe-Croes – CEO di Aruba Tourism Authority a hiba palabra durante e
apertura, na unda el a elabora riba e importancia di e buelonan di Avianca pa Aruba cu ya
ta bulando pa mas cu 36 aña pa nos destinacion. E aerolinea ta contecta no solamente
Colombia pero e region di Latino America cu nos isla.
