Page 6 - Diario
P. 6
PAGINA 6 DIARIO DIABIERNA 13 NOVEMBER 2015
Chauffeur a bira malo tras di stuur
despues di accidente na Pos Chikito
ORANJESTAD (AAN): Diahuebs den careda di 4’or
atardi poco pariba di e rotonde na Pos Chikito chauffeur di un
pickup a baha caminda na su man drechi y dal riba un cabel
cu ta sostene palo di luz.
E impacto a pone cu algun waya di coriente na e palo di luz a
kibra cay abou. E chauffeur despues di e accidente a bira malo
y no tabata reacciona, aki a cuminsa cu reanimacion.
Ambulance y polisnan a yega basta lihe na e sitio y a sigui cu
e parti di reanimacion y cu urgencia ambulance a transporta e
victima pa hospital. Departamento di trafico na e sitio a haci
nan investigacion di e accidente aki.
