Page 42 - Djasabra 24 mart 2018.pdf
P. 42
42 Djasabra 24 Mart 2018
Kontinuashon di pagina 4
No ta pòrnada tin un
atendé ku e plaka ku nos
pueblo ta paga na belasting
i kon esakinan a wòrdu
responsabilisá.
Segun sra. Wedervoort,
Kontrolaria ta hasi
investigashon riba tur e
aspektonan aki i esaki ta
wòrdu raportá na e órgano
ku ta representá pueblo,
esta Parlamento di Kòrsou.
Riba e wèpsait tantu
studiantenan, e hóben
ku ta traha, hóbennan
ku por vota i otro sobrá
votadónan, esnan na kabes
di diferente ministerionan
i otro entidatnan ku tin
di aber ku gobièrnu,
nos gobernantenan,
miembronan di Parlamento,
prensa, tur pagadó di
belasting; i sobrá di nos
poblashon por haña
informashon over di e
aspektonan ku Kontrolaria
a hasi investigashon
over di gobièrnu su
funshonamentu.
Tambe Kontrolaria
ta duna informashon di
aktividatnan ku e ta hasi
pa halsa konosementu
di trahadónan, via di
relashonnan ku otro
Kontrolarianan na
mundu, i tambe pa hasi
e organisashon “ISSAI-
proof”, esta pa kumpli ku
tur e normanan stipulá
mundialmente pa e
organisashon madre di tur
Kontrolarianan na mundu.
Asina ta ku e wèpsait
ta un método sumamente
importante pa trese
informashonnan balioso
i resultadonan di e
investigashonnan mas serka
di e gruponan di interes.
E mester ta atraktivo i
fásil aksesibel pa tur hende.
Pa lansamentu di e
wèpsait nobo a skohe algun
hóben di nos parlamento
hubenil.
E hóbennan aki no
solamente ta simbolisá
futuro di Kòrsou, pero
nan ta representá tambe e
órgano na kual Kontrolaria
ta reportá na dje, esta
Parlamento.
