Page 35 - AHATA

Informantenan ta mustra cu den e situacion mundial cu ta pinta scur, Aruba mester
conoce un trankilidad total. “Problemanan laboral lo tin impacto grave pa Aruba cu ta
drenta November cu ta marca inicio di e temporada di turismo,” a wordo treci dilanti.

Na Merca e situacion politico a causa un instabilidad cu ta afecta tambe cantidad di pais
cu ta depende di e situacion na Merca.

“Nos turismo ta depende di Merca. Nos moneda ta depende di Merca. Nos importacion

ta depende pa un gran parti di Merca. Nos ta completamente conecta cu Merca,” a
wordo treci dilanti.

Na e momentonan aki no ta solamente un eleccion Merca ta enfrenta pero tambe

incertidumbre cu ta haci cu rond mundo ta evita di tuma decisionnan importante pa
mira kico e resultado lo ta na Merca.

“Eleccionnan na Estados Unidos a haya un desaroyo hopi grave den e intento di

opositornan pa baha Presidente Donald Trump. Semper e temporada di eleccion a
afecta desaroyonan. Den e caso aki e ta mucho mas pisa pasobra ta papia di habri
caminda pa baha e presidente loke lo afecta henter mundo,” informantenan a mustra.

DIARIO den e edicion di awe ta presenta splicacion di e situacion na Merca cu ta afecta
desaroyo internacional.

https://www.diario.aw/2019/10/instabilidad-internacional-ta-aumenta-pa-sector-turismo/